Galeriya Wêneyan
Di çarçoveya bernameya Budçeya Beşdarbûnê ya ku ji hêla Şaredariya Rezan û Şaredariya Bajarê Mezin a Amedê ve tê meşandin de, li Oğlakliyê dengdan bi dawî bû. 14 projeyên ku ji hêla xelkê Oğlakliyê ve hatine pêşniyar kirin di sindoqê de cih girtin. Gel hem li navendên dengdanê û hem jî bi awayekî dîjîtal dengê xwe da. Piştî hefteyek dengdanê, îro hejmartin dest pê kir. Hejmartina dengan bi beşdariya Hevşaredarê Siraç Çelik, Cîgirên Hevşaredaran û endamên Meclîsê bi awayekî giştî hate kirin. Di encama hejmartinê de, 3 projeyên ku herî zêde deng wergirtin hatin destnîşankirin. Projeyên bijartî dê di civînek giştî de ku îro saet 3ê piştî nîvro were lidarxistin werin ragihandin.
