Li Amedê civîna GABB'ê hat lidarxistin. Hevşaredara Bajarê Mezin a Wanê Neslîhan Şedal û Hevşaredarê Baglarê Siraç Çelîk ji bo Hevserokatiya GABB'ê hatin hilbijartin.

Civîna Meclîsa Awarte ya 2024an a Yekîtiya Şaredariyên Herêma Başûrê Rojhilatê Anadoluyê (GABB) li Navenda Çand û Kongreyê ya ÇandAmed (Sezai Karakoç) li Dîyarbekirê pêk hat.

Hevşaredarên Şaredariya Bajarê Mezin a Dîyarbekirê Serra Bucak û Doğan Hatun, û her wiha şaredar û hevşaredarên şaredariyên endamên GABBê beşdarî civînê bûn.

Di civînê de, nîqaş hate kirin û biryar hate girtin ku şaredariyên ku ji endametiya Yekîtiyê vekişiyane, ji lîsteya şaredariyên endam werin derxistin û şaredariyên ku biryar dane bibin endamên Yekîtiyê, wekî endam werin qebûlkirin û li lîsteya şaredariyên endam werin zêdekirin.

Ji bo Hevserokatiyê Neslihan Şedal û Siraç Çelîk hatin hilbijartin

Hevşaredara Şaredariya Baglarê Siraç Çelik û Hevşaredara Şaredariya Bajarê Mezin a Wanê Neslihan Şedal bi yekdengî wekî Hevserokên GABBê hatin hilbijartin.

Devrîm Demîr, Yunus Bagiş, Bîrsen Orhan, Hamît Tutuş, Fuat Mehmetoglu û Alpaslan Karabulut ji bo endamên Lijneya Rêveberiya Yekîtiya GABBê hatin hilbijartin.

Hevserokê GABB Siraç Çelik spasiya endamên sendîkayê kir ji bo hilbijartina wî. Wî girîngiya sendîkayê, ku gelek şaredarî endamên wê ne, ji bo rêveberiyên herêmî destnîşan kir.