Galeriya Wêneyan
Şaredariya me ya Rezanê ku beriya niha bi serenavê “Siberoja Rezan'a Kevn” du komxebat li dar xistibûn, xebatên xwe berdewam kirin û îmze avêt bin protokoleke girîng a hevkariyê.
Bi feraseta veguhertina bi dadwerî û di cih de û ji bo kêmkirina rîskên erdhejê yên li Rezanê, di navbera Şaredariya me ya Rezanê, GABB û ÎKK’ya TMMOB’ê ya Amedê de protokola hevkariya teknîkî hat îmzekirin. Protokol amanc dike ku rîskên erdhejê kêm bike, feraseta veguhertina bi dadwerî û di cih de xurt bike û mijarên hevkariyê yên di xebatên veguherandina bajêr de li gorî pîvanên zanistî, teknîkî û civakî diyar bike.
Protokol bi merasîmeke hate lidarxistin ku li şaredariya me bi beşdariya Hevşaredarên me Leyla Ayaz û Sîraç Çelîk ê ku di heman demê de Hevserokê GABB’ê ye, Sekretera ÎKK’ya TMMOB’ê ya Amedê Nûjen Ayhan, Cîgirê Hevşaredarên me Reşat Yucel, nûnerên GABB û TMMOB’ê hat îmzekirin.
