​Şaredariya Rezanê perspektîfa xwe ya rêveberiya herêmî ya demokratîk li qadê dixe meriyetê. Di çarçoveya vê xebatê de ku li gundê Hewarê Xasê dest pê kir, rê tevî gelê gund hatin çêkirin. 30 hezar metreçargoşe kevirê parkeyê û 10 hezar metre bordûr bi gundiyan re tê raxistin.

​Şaredariya Rezanê perspektîfa rêveberiyên herêmî yên demokratîk ku bi beşdariya rasterast a gel, di pêvajoyên biryardanê û hilberînê de esas digire, li qadê jî ew dixe pratîkê. Xebatên raxistina kevirên parkeyê yên ku li gundê Hewarê Xasê hatin destpêkirin, veguherî modeleke hilberîna kolektîf ku rêveberiya herêmî û şêniyên gund bi hev re dimeşînin.

​Bi feraseta şaredariya gel: Şaredarî piştgiriyê dide, gundî hildiberîne

​Şaredariya Rezanê ku bi feraseta rêveberiya xwecihî û şaredariya civakparêz tevdigere, piştgiriya amûr û alavên teknîkî, kevirên parkeyê û kelûpelên lojîstîkê dide projeyê; welatî jî tevahiya vê pêvajoyê bi keda xwe digirin ser milê xwe. Xebatên ku nimûneyeke berçav a modela rêveberiyên herêmî yên demokratîk li wê derê tê nîşandan, welatiyên ku bi rihê komînê tevdigirin, rasterast di avakirina qadên jiyana xwe de ew bi xwe dibin xwedî ked û gotinê.

​Zêdetirî 20 gundan her şev bi dorveger di nava vê şêweya xebatê de ne

​Şêniyên gund ku karên xwe yên rojane temam dikin, li gorî rêza xebata birêxistinkirî ku di nav xwe de ava kirine, her êvar ji saet 17.00an pê ve dest bi kar û xebatên raxistina parkeyan dikin. Bi vê hewldana kolektîf ku her şev bi beşdariya dorveger a herî kêm 20 gundiyan tê meşandin, tê armanc kirin ku riyên gund di demeke kurt de temam bibin.

​Bi vê xebata ku modela jiyana demokratîk, beşdar û komînal esas digire, şêniyên gundê Hewarê Xasê ne tenê pêvajoyeke çêkirina rê, lê belê nimûneya guherandin û birêvebirina qadên xwe yên jiyanê yên hevpar jî bi hêza xwe nîşan didin.

​‘Şaredarî û gel bi hev re, mil bi mil dixebitin’

​Welatiyên ku balê kişandin ser girîngiya xwedîgotin û xwedîkedbûnê di qadên jiyana xwe de ji ber hilberîna komînal, dilxweşiya xwe anîn ziman. Şêniyê gund ku wekî "Şaredariya gel" bang dike, dîtinên xwe yên derbarê xebatê de bi vê awayî anî ziman: “Şaredarî û gel dest dane hev û bi hev re vê xebatê dimeşînin. Li hemû gundên Qerejdaxê jî dê gel di nav vê xebatê de cihê xwe bigire.”