Mudirîya ma ya Polîtîkayanê Cinîyan, çarçewaya kampanyaya “Vatişê Ma Nêqedîya, Ma Do Şidetî Vindarnî” de, dewa Alçîmen ya Alatosun de atolye viraşt. Hemşaredara ma Leyla Ayaz û endamê meclîsê ma zî tewrê nê xebatî bîyî û cinîyan reyde amayî pêra.

Seba ke şîdetê vera cinîyan beno biqedîyo, seba cuyêka weşe û azade ma yenî têhet, ma xurtkerdişê piştîpêdayîşî cinîyan domnenê.

Mudirîya ma ya Polîtîkayanê Cinîyan, çarçewaya kampanyaya “Vatişê Ma Nêqedîya, Ma Do Şidetî Vindarnî” de, dewa Alçîmen ya Alatosun de atolye viraşt. Hemşaredara ma Leyla Ayaz û endamê meclîsê ma zî tewrê nê xebatî bîyî û cinîyan reyde amayî pêra.

Atolyeya “azadkerdişê cinsîyetê komelkî” de hetê psîkologê dezgehê ma ra yew pêşkêşî ame kerdene. Rolê cinsîyetperestî, neheqî û şîdeto ke nê rolî virazenî, vera nînan seba yew cuya weş û têduşt ma pîya mûnaqeşeyî kerdî. Atolyeyanê ma ra yew zî seba şîdetê dîjîtalî bîye. Ma şîdetê dîjîtalî ser o melumatî dayê û nê babetan ser o pîya fikrê xo pare kerdê.

Hemşaredara ma Leyla Ayaz zî seba cuyêka bêşîdet, weş û azade bale ant muhîmîya piştîpêdayîş û têkoşînî ser o vindert. Cinîyan zî seba nê ameyîşê keyfweşîya xo îfade kerd û tecrubeyê xo pare kerdî.

Seba gedeyan zî, ma atolyeyî viraştî ke gedeyî rojêka weşe derbas bikerî.